Forntextaskrifarinn

Undanfarin níu ár eða svo hef ég verið í sjálfsnámi í miðaldahandverki skrifara og lýsara. Þegar ég hóf nám mitt komst ég fljótt að því að hér á landi var hvergi að finna vitneskju um handverk miðaldaskrifara og lýsara, hvað þá hagnýtar upplýsingar um efni þeirra, áhöld og aðferðir. Ég þurfti að leita víða áður en ég náði saman nægu efni til að vinna útfrá. Mest hef ég lært af erlendum fræðiritum og eigin tilraunum með efni, áhöld og aðferðir, en einnig hef ég fengið smá leiðsögn um kaup á nauðsynlegum efnum og áhöldum frá enskum skrifara / lýsara á netinu.

Í og með námi mínu hef ég ávallt leitast við að miðla fróðleik um handverkið - mest á miðaldahátíðum hérlendis, þar sem ég hef sýnt leikmynd skrifara, efni, áhöld og stundum aðferðir.

>>> Endurvakning miðaldahátta

Miðaldahandverk endurvakið

Í hinni miklu sögulegu vakningu sem orðið hefur undanfarin ár hafa æ fleiri sýnt áhuga á að læra miðaldahandverk af ýmsu tagi. Ekki nema sjálfsagt að ég leggi mitt lóð á vogarskálarnar...

Á heimasíðu minni er að finna stutta kafla um flesta þætti er lúta að sögu handverks skrifara og lýsara, svo og smá kennslu í því helsta er lýtur að efnum og áhöldum.

>>> Forntextaskriftir

Á námskeiðum býð ég svo upp á kennslu í meðferð efna og áhalda, svo og sjálfum aðferðunum við gerð textaverka og myndskreytinga í miðaldastíl.

Ég legg áherslu á að byrja námskeið með sögulegu- og fræðilegu erindi. Við gerum vart vel nema með vönduðum grunni!

>>> Námskeið

Í framtíðinni vonast ég til að geta boðið upp á lengri vinnubúðir þar sem unnið verði að gerð verka í íslenskum stíl, jafnvel afritun fornra texta og mynda. Slíkar vinnubúðir eru eiginlega bráðnauðsynlegar þeim sem virkilega ætla að leggja á sig að læra handverkið.

>>> Vinnubúðir á hugmyndastigi

Sýningar

Ég hef haldið nokkrar sýningar á forntextaverkum mínum frá 2001.

>>> Nýjustu fréttir

Ég sumarið 2006
á miðaldahátíð

Mynd af ljóni:

Afritun AfredoM úr The Book of Kells.